संस्थागत सामाजिक उत्तरदायित्व अन्तरर्गत महालक्ष्मी विकास बैंकका शाखाहरुले विद्यालय, पार्क र मन्दिरलाई सहयोग गरेका छन् । जसमा बैंकको दिपायलस्थित पिपल्ला शाखाले सिलगढीको दिल्पेश्वर माध्यामिक विद्यालयलाई दुई थान स्टिल पानी ट्याङकी हस्तान्तरण गरेको छ । विद्यार्थीहरुलाई राम्रो पिउने पानीको व्यवस्थापनमा सहयोग पुग्ने उद्देश्यले बैैंकले उक्त सहयोग गरेको हो ।

त्यसैगरि मैतिदेवी शाखाले काठमाडौं महानगरपालिका वडा नं ३० मा अवस्थित मैतिदेवी मन्दिर क्षेत्र प्रबन्ध समितिलाई सडक डिभाइडर हस्तान्तरण कार्यक्रम सञ्चालन गरिएको छ । बैंकले मन्दिर वरपरको बाटो अस्तव्यस्त हुनेगरि सवारी साधन पार्किङ्ग गर्ने समस्याको व्यवस्थापनका लागि सडक डिभाईडर प्रदान गरेको हो । पुतलिसडक शाखाले काठमाडौं महानगरपालिका वडा नं २८ मा अवस्थित झिगु इच्छुमती पार्कका लागि छ थान कुर्सी हस्तान्तरण गरेको छ ।