एभरेष्ट बैंक लिमिटेडले वीरगन्ज कारागार परिसरमा रहेको शैक्षिक गुठी नेपालले सञ्चालन गरिरहेको प्राथमिक तहको समता स्कुललाई आर्थिक सहयोग गरेको छ । बैंकले विद्यालयको भवनको मर्मत सम्भार साथै रंगरोगन गर्नका लागि दुई लाख रुपैयाँ आर्थिक सहयोग गरेको हो ।

वीरगन्ज कारागार परिसरमा कैद सजाय भोगीरहेका महिला कैदीबन्दीसँग बस्दै आएका उनीहरूका छोराछोरीलाई विद्यालय शिक्षा उपलब्ध गराउने उद्देश्यले विद्यालय सञ्चालन भइरहेको छ ।

आयोजित एक समारोहबीच बैंकका मधेस प्रदेशका प्रादेशिक प्रबन्धक विभूति न्यौपानेले सो विद्यालयकी प्रधानाध्यापक अनामिका मिश्रालाई चेक हस्तान्तरण गर्नु भएको थियो । यसबाट कैदीबन्दीका छोराछोरीहरूलाई विद्यालय शिक्षा हासिल गर्न र विद्यालयको पठनपाठनमा थप टेवा पुग्नेमा बैंक विश्वस्थ रहेको छ ।