नेपालका लागि हुण्डाईको आधिकारिक विक्रेता लक्ष्मी इन्टरकन्टिनेन्टल प्रा.लि. ले ह्याचब्याक सेग्मेन्टमा ग्रान्ड आई १० निओस मोडलको फेसलिफ्ट भर्सन भित्राएको छ । हुण्डाई ग्रान्ड आई १० निओसको पूर्व मोडल पनि नेपालमा धेरै बिक्ने कार बनेको थियो । कम्पनीले ग्रान्ड आई १० निओस अझ बढी परिष्कृत, आरामदायी रहेको कम्पनीले जनाएको छ ।

सुरक्षाको हिसाबले नयाँ ग्रान्ड आई १० निओस पहिले भन्दा पनि बढी परिष्कृत र नवीनतम रहेको कम्पनीको भनाई छ । यो गाडी एडभान्सड हाईस्ट्रेन्थ स्टीलद्वारा तयार गरिएको छ ।

गाडीमा चालक र प्यासेन्जरलाई आरामदायी यात्राको अनुभव गराउने फिचर पनि रहेको कम्पनीले जनाएको छ । नयाँ ग्रान्ड आई १० निओसको प्रारम्भिक मूल्य रु.२९.९६ लाख कायम गरिएको छ । कम्पनीले देशभरका १७ डिलर र १९ सर्भिस सेन्टरहरूमार्फत नेपालभरि नै सबै हुन्डाई गाडीहरूको सहज खरिद र सर्भिसिङको सेवा दिँदै आएको छ ।