बिहीबार सुनको भाउ गिरावट भएको छ । जेठ ११ गते, सुन तोलामा एक हजार रुपैयाँले सस्तिएको हो । चाँदीको भाउ पनि यस दिन ओरालो लागेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ८ हजार ८०० रुपैयाँमा झरेको छ । यसैगरी, तेजाबी सुन प्रतितोला एक लाख ८ हजार ३०० रुपैयाँमा कारोबार भइहरेको छ ।

हिजो सुन तोलामा ६०० रुपैयाँले बढेर प्रतितोला एक लाख ९ हजार ८०० रुपैयाँ पुगेको थियो ।

चाँदीको भाउ निरन्तर चार दिनदेखि घटेको छ । आज चाँदी तोलामा १० रुपैयाँले सस्तिदा प्रतितोला एक हजार ३५० रुपैयाँमा खरिदबिक्री हुँदैछ ।

अघिल्लो कारोबार दिन पनि चाँदी पाँच रुपैयाँले सस्तिएर प्रतितोला एक हजार ३६० रुपैयाँमा कारोबार भएको थियो ।