सुनचाँदीको मुल्य आइतबार वृद्धि

लगातार गिरावट भएको सुनचाँदीको भाउ आइतबार वृद्धि भएको छ । असार १० गते, सुन तोलामा ४०० रुपैयाँले बढेको छ । यसैगरी, चाँदीको भाउ पनि प्रतितोला १५ रुपैयाँले महंगिएको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख १० हजार २०० रुपैयाँमा र तेजाबी रुपैयाँमा एक लाख ९ हजार ६५० रुपैयाँमा कारोबार भइरहेको छ । शुक्रबार भने सुन तोलामा ७०० रुपैयाँले सस्तिएर प्रतितोला एक लाख ९ हजार ८०० रुपैयाँमा खरिदबिक्री भएको थियो ।

यस दिन चाँदी तोलामा १५ रुपैयाँले वृद्धि हुदाँ प्रतितोला एक हजार ३५० रुपैयाँमा किनबेच हुँदैछ । अघिल्लो साताको अन्तिम कारोबार दिन, चाँदीको २५ रुपैयाँले घट्दा प्रतितोला एक हजार ३३५ रुपैयाँमा झरेको थियो ।