अध्यागमन विभागले प्रतिबन्धित क्षेत्रमा जाने विदेशी पर्यटकलाई अनलाइन प्रणालीमार्फत पदयात्रा मार्ग अनुमति दिने तयारी गरेको छ ।

यसअघि डिओआईले प्रतिबन्धित क्षेत्रमा जाने पर्यटकलाई आवश्यक प्रक्रिया र कागजी प्रक्रिया पूरा गरेर मात्र भौतिक रूपमा अनुमति दिँदै आएको थियो । तर गत सातादेखि विद्युतीय माध्यमबाट रुट परमिट दिने व्यवस्था गरिएको छ ।

रुट परमिट अनलाइन उपलब्ध भएसँगै अब गोरखाको मनास्लु क्षेत्र, माथिल्लो मुस्ताङ, माथिल्लो डोल्पा, त्सुम र नुब्री उपत्यका, हुम्लाको सिमकोट, चाङ्खेली र नाम्खाका साथै ताप्लेजुङको कञ्चनजङ्घा क्षेत्रमा जान पर्यटकलाई सहज हुने भएको कुरा ट्रेकिङ एजेन्सिज एसोसिएसन अफ नेपाल (टान)का महासचिव विनोद सापकोटाले बताएका छन् ।

त्यसैगरी टानका अध्यक्ष निल्हारी बाँस्तोलाले जति धेरै पर्यटक नेपाल भ्रमणमा आउनेछन्, त्यति सहज हुने बताए ।

‘यस अनलाइन सेवाले ट्रेकिङ उद्योगलाई प्रवद्र्धन गर्न मद्दत पुग्ने विश्वास लिएको छु,’ उनले भने ।

यसैबीच, अध्यागमन विभागका कार्यवाहक महानिर्देशक कृष्णबहादुर कटवालले नयाँ व्यवस्थासँगै पर्यटकले अब ट्रेकिङ कम्पनी वा आफ्नो व्यक्तिगत खाताबाट ‘क्यूआर पेमेन्ट’ गरी अनलाइनबाटै सहजै अनुमति लिन सक्ने बताए ।