नेपाल लाइफ इन्स्योरेन्स कम्पनीले चैत्र १२ गते इटहरीको दुर्गा पार्टी प्यालेसमा आयोजना गरेको एक दिवसीय अभिकर्ता प्रशिक्षण कार्यक्रम सम्पन्न गरेको छ । अन्तर्राष्ट्रिय प्रशिक्षकद्वारा प्रशिक्षण दिइएको कार्यक्रममा कोशी प्रदेश र मधेस प्रदेशबाट ५०० जना भन्दा बढि अभिकर्ता तथा एजेन्सी म्यानेजरहरुको सहभागिता रहेको थियो ।
नायब प्रमुख कार्यकारी अधिकृत अमित कुमार कयालले कार्यक्रमको शुभारम्भ गरेका थिए । उक्त कार्यक्रममा विशेष कारणवश देश बाहिर रहेका प्रमुख कार्यकारी अधिकृत प्रवीण रमण पराजुलीले भर्चुअली उपस्थित भई अभिकर्ताहरुलाई स्वागत गरेका थिए । उनले यस्ता किसिमको कार्यक्रमले सिकाइमा थप टेवा पुग्नेमा आफू विश्वस्त रहेको बताएका थिए ।
उक्त कार्यक्रममा उपस्थित अभिकर्ताहरुलाई धन्यबाद ज्ञापन गर्दै कम्पनीका नायब प्रमुख कार्यकारी अधिकृत अमित कुमार कयालले आगामी दिनमा समेत कम्पनीले अभिकर्ताहरुको सीप विकास तथा मनोवल अभिवृद्धि लागि विभिन्न कार्यक्रम सञ्चालन गर्ने बताए ।