प्युठान । जनज्योति सामुदायिक वनबाट अवैध रुपमा कटान गरिएको खयर जातको गोलिया बरामद गरेको छ । प्युठान जिल्लाको माण्डवी गाउँपालिका ४ दक्सुने स्थित जनज्योति सामुदायिक वन बाट शुक्रबार ७३ थान अवैध रुपमा कटान गरिएको खयर जातको गोलिया बरामद गरेको हो ।

ईलाका वन कार्यालय भिंग्री र अस्थायी प्रहरी पोस्ट जस्पुरको सक्रियतामा सो गोलिया बरामद गरेको थियो । आवश्यक कारवाहीको लागी ७३ थान अवैध रुपमा कटान गरिएको खयर जातको गोलिया बरामद गरी नियन्त्रणमा लिएको ईलाका वन कार्यालय भिंग्रीले जनाएको छ ।

सो कटानको बारेमा अनुसन्धान भईरहेको ईलाका वन कार्यालय भिंग्रीले बताएको छ । प्रतिबन्धित बोटबिरुवाहरुको अवैधरुपमा कटान, बिक्री बितरण तथा निकासी बढ्न थाले पछि कार्यालयले नियन्त्रणको लागि कारवाही अगाढी बढाएको हो ।