त्रिकोणात्मक सिरिजको उपाधिका लागि नेपाल र युएई आज खेल्दै

त्रिकोणात्मक टी–२० आई सिरिजको उपाधिका लागि घरेलु टोली नेपाल र युएईबीच फाइनल खेल आज हुँदैछ । फाइनल खेल कीर्तिपुरस्थित त्रिवि अन्तर्राष्ट्रिय क्रिकेट मैदानमा बिहान ११ बजे सुरु हुने भएको हो ।

हङकङसमेत सहभागी सिरिजमा नेपाल र युएई शीर्ष दुईमा रहँदै फाइनल पुगेका छन् । यसअघिका खेलहरु मुलपानी क्रिकेट मैदानमा खेलाइएको थियो । डबल राउण्ड रोविनका आधारमा भएको सिरिजमा नेपाल फाइनलमा पुगेको थियो । नेपालले युएई र हङकङलाई दुई–दुई खेलमा पराजित गरेको थियो ।

आज अधिकांश कायालयहरु दशैंका कारण बिदा रहेकोले पनि नेपाली दर्शकहरुको उल्लेखनीय उपस्थिति हुने अपेक्षा गरिएको छ ।