भूकम्पमा परी नलगाढ नगरपालिकाकी उपप्रमुख सिंहको मृत्यु
मेरो आर्थिक
कार्तिक १८ गते २०८०
समयः ७:१९ am
शुक्रबार राति गएको भूकम्पमा परी जाजरकोटमा मृत्यु हुनेको सङ्ख्या ३७ र रुकुम पश्चिममा २८ पुगेको जिल्लाका प्रमुख जिल्ला अधिकारी सुरेश सुनारले जानकारी दिएका छन् । उनका अनुसार भूकम्पमा परी सयौँको सङ्ख्यामा मानिसहरु घाइते भएका विवरण प्राप्त भएका छन् ।
त्यस्तै गएरातीको भूकम्पले जाजरकोटको नलगाढ नगरपालिकाकी उपप्रमुखको मृत्यु भएको जनाइएको छ । भूकम्पमा परेर उपप्रमुख सरिता सिंहको मृत्यु भएको थियो । नगर उपप्रमुख सिंहको सदरमुकामस्थित घरमै सुतिरहेको अवस्थामा भूकम्पले मृत्यु भएको बताइएको हो । उनी गत स्थानीय चुनावमा कांग्रेसबाट निर्वाचित भएकी थिइन् ।