दोलखा । दोलखाको मालुमा मतदान रोकिएको छ । तामाकोशी गाउँपालिका-४ मालु मतदान गर्ने क्रममा विवाद भएपछि मतदान नै रोकिएको हो ।
निर्वाचनमा खटिएका कर्मचारीमाथि हातपात हुन खोजेपछि प्रहरीले हवाई फायर गरेको थियो । हवाई फायरपछि नाराबाजी सुरु भएको थियो । एमाले र रास्वपाका कार्यकर्ताले कांग्रेस र नेकपाले फर्जी प्रतिनिधि घुसाएर मतदाताको हातबाट मतपत्र खोस्दै एकलौटी मतदान गरिरहेको आरोप लगाएपछि विवाद बढेको थियो ।
अहिले सर्वदलीय बैठक बोलाइएको र मतदान सुरु गर्नेबारे छलफल जारी रहेको बताइएको छ ।
