काठमाडौं । प्रतिनिधिसभा सदस्य निर्वाचनमा आज जारी मतदानमा करिब ८५ लाख मत खसेको छ । बिहीबार दिउँसो ३: ४५ बजेसम्म ८४ लाख ६० हजार ६७७ मत खसेको हो । जुन ४५ प्रतिशत हो ।
जस अनुसार सबैभन्दा बढी गण्डकी र कर्णालीप्रदेशमा ४८- ४८ प्रतिशत मत खसेको छ भने बागमती र लुम्बिनीमा ४७-४७ प्रतिशत, कोशीमा ४६ प्रतिशत मत खसेको छ । त्यस्तै मधेश प्रदेशमा ३७ प्रतिशत मत खसेको छ भने सुदूरपश्चिममा ३९ प्रतिशत मत खसेको छ ।
यस निर्वाचनमा देशभर ९६ लाख ६३ हजार ३५८ पुरूष, ९२ लाख ४० हजार १३१ महिला र अन्य २०० सहित कुल एक करोड ८९ लाख३ हजार ६८९ मतदाता रहेका छन् ।
