शर्मिला वाइबालाई चार दिन थुनामा राखेर थप अनुसन्धान हुने

काठमाडाैं जिल्ला अदालतले शर्मिला वाइबालाई चार दिन हिरासतमा राखेर अनुसन्धान गर्न प्रहरीलाई अनुमति दिएकाे छ । कलाकार पवन खतिवडा ‘म्याकुरी’ माथि हातपात गरेको आरोपमा वाइबा पक्राउ परेकी हुन् । वाइबालाई चार दिन थुनामा राखेर प्रहरीले अनुसन्धान गर्ने भएको छ ।

बेलाबेला विवादमा परिरहने शर्मिला वाइबालाई बुधबार सिन्धुपाल्चोक प्रहरीले कुटपिट तथा अङ्गभङ्ग मुद्दामा बाह्रबिसेबाट पक्राउ गरेकाे थियाे।  आफूलाई सामाजिक अभियन्ता बताउने वाइबाले पछिल्लो समय म्याकुरी नामले परिचित कलाकार पवन खतिवडा र उनकी बहिनी गंगामाथि घरभित्रै पुगेर कुटपिट गरेका थिए ।

त्यसपछि पवन र सुम्निमा खालिङले बेग्ला बेग्लै पत्रकार सम्मलेन गरेका थिए । उनीहरूको विवाद यतिबेला देशकै चर्चाको विषय बनिरहेको छ । लामाे समयकाे विवादपछि पवन र सुम्निमा सम्बन्धविच्छेद गर्ने टुंगाेमा पुगेका छन् । उनीहरू आइतबार अदालतमा नै पुगेर सम्बन्धविच्छेदकाे मुद्दा दर्ता गर्ने भएका हुन् ।