माओवादीद्धारा सरकारलाई दिएको समर्थन फिर्ता, सरकार अल्पमतमा
मेरो आर्थिक
जेठ २३ गते २०८०
समयः ९:५७ pm
![माओवादीद्धारा सरकारलाई दिएको समर्थन फिर्ता, सरकार अल्पमतमा](https://meroaarthik.com/wp-content/uploads/2023/06/hikmat-karki.jpg)
नेकपा माओवादी केन्द्रले सरकारलाई दिएको समर्थन औपचारिक रुपमा फिर्ता लिने निर्णय गरेको छ । पार्टीको प्रदेश कमिटी पदाधिकारीको आज बिहान बसेको बैठकले कोशी प्रदेश सरकारलाई दिएको समर्थन फिर्ता लिने निर्णय गरेको हो ।
पार्टीको निर्णयलाई संसदीय दलले अनुमोदन गरेपछि माओवादी केन्द्र सरकारलाई दिएको समर्थन फिर्ता लिएको जनाईएको छ । गत पुस २४ गते नेकपा एमाले संसदीय दलका नेता हिक्मत कुमार कार्की नेतृत्वमा गठन भएको सरकारमा माओवादी केन्द्रबाट भौतिक पूर्वाधार विकास मन्त्रीमा दुर्गाप्रसाद चापागाईं र वन, पर्यटन तथा वातावरण मन्त्रालयमा जीवन आचार्य मन्त्री छन् ।
माओवादी केन्द्र सरकारबाट फिर्ता भएसँगै कार्की नेतृत्वको सरकार अल्पमतमा परेको छ । प्रदेशसभामा बहुमतको लागि ४७ सांसद आवश्यक पर्नेमा माओवादी फिर्ता भएपछि एमालेका ४० र राप्रपाका ६ गरी सरकारको समर्थनमा ४६ सांसद मात्र रहेका छन् । माओवादी केन्द्रले अर्को सरकार गठनका लागि मुख्यमन्त्रीमा आफ्नै दलका नेता इन्द्रबहादुर आङ्बोलाई अगाडि सार्ने निर्णय पनि गरेको छ । भने नेता हिक्मत कुमार कार्की पुनः विश्वासको मत लिने सोचमा रहेको बुझिएको छ । समय समयमा आउने सरकारको उतार चढाबले विकास लगायत अन्य कुराहरुमा प्रभावित पार्ने विज्ञहरुको ठहर छ ।