काठमाडौँ । सुपर खुदी हाइड्रोपावर लिमिटेडको आइपिओमा माग भन्दा २३ गुणा भन्दा बढी आवेदन परेको छ ।
कम्पनीले फागुन ५ गतेदेखि ११ गते (आज) सम्म खोलेको आवेदनमा ७ लाख ६ हजार ८७९ जना लगानीकर्ताले तीन अर्ब एक करोड ३७ लाख १२ हजार रुपैयाँ बराबरको तीन करोड एक लाख ३७ हजार १२० कित्ता शेयरको लागि आवेदन दिएका छन् ।
कम्पनीले १२ करोड ८६ लाख ५० हजार रुपैयाँबराबरको प्रतिशेयर १०० रुपैयाँ अंकित मूल्यका १२ लाख ८६ हजार ५०० कित्ता साधारण शेयर निष्काशन गरेको थियो ।
कम्पनीको शेयर निष्काशन तथा बिक्री प्रबन्धक ग्लोबल आइएमई क्यापिटल लिमिटेड रहेको छ।
