एसीसी महिला प्रिमियर कप : हङकङ माथि नेपालको जीत
मेरो आर्थिक
माघ २७ गते २०८०
समयः ५:२६ pm
![एसीसी महिला प्रिमियर कप : हङकङ माथि नेपालको जीत](https://meroaarthik.com/wp-content/uploads/2024/02/ACC-Women-Cup-Team.webp)
मलेसियाको सेलान्गोर टर्फ क्लबमा शनिबार भएको एसीसी महिला टी–२० प्रिमियर कपमा नेपालले हङकङलाई ८ विकेटले पराजित गरेको छ ।
हङकङले निर्धारित २० ओभरमा ८ विकेट गुमाएर ९४ रनको लक्ष्य दिएको थियो । नेपालका लागि रुबिना क्षेत्री र पूजा महतोले समान ४ ओभर बलिङ गर्दै २–२ विकेट लिए । त्यसैगरी कविता जोशी र मगरले पनि एक–एक विकेट लिएर हङकङलाई ९३ रनमा सीमित गरिन् ।
जवाफमा नेपालले १४.१ ओभरमा ९५ रन बनाएर लक्ष्य पार गरेको थियो । क्याप्टेन इन्दु बर्मा र सीता राना मगरले बलियो साझेदारी गरेका छन् । बर्माले ३३ बलमा ४० रनमा प्रहार गरिन् भने मगरले ३८ बलमा अविजित ३६ रन बनाए ।
समूह ‘बी’ मा नेपालसँगै भुटान, माल्दिभ्स र हङकङ छन् । नेपालले आइतबार दोस्रो खेलमा भुटानसँग खेल्नेछ ।
एसीसी महिला प्रिमियर कपमा सहभागी कूल १६ टोलीमध्ये चार समूहका शीर्ष दुई टोली क्वाटरफाइनलमा प्रवेश गर्नेछन्।