एनएलजी इन्स्योरेन्सको माघ २५ गते (भोली) बुकक्लोज हुदै
मेरो आर्थिक
माघ २४ गते २०८०
समयः ८:४५ am
![एनएलजी इन्स्योरेन्सको माघ २५ गते (भोली) बुकक्लोज हुदै](https://meroaarthik.com/wp-content/uploads/2024/02/download-10.jpg)
एनएलजी इन्स्योरेन्स कम्पनी लिमिटेड (NLG) को लाभांश सुरक्षित गर्ने आज अर्थात माघ २४ गते, बुधबार, अन्तिम दिन रहेको छ। इन्स्योरेन्सले साधारण सभा तथा लाभांश वितरण प्रयोजनार्थ भोली अर्थात माघ २५ गते बुकक्लोज गर्दैछ।
यस अनुसार आजसम्म नेप्सेमा कारोबार भइ कायम शेयरधनीहरुले इन्स्योरेन्सको साधारण सभामा सहभागिता जनाउन तथा इन्स्योरेन्सले वितरण गर्ने लाभांश प्राप्त गर्न सक्नेछन्।
इन्स्योरेन्सले १८ औँ वार्षिक साधारण सभा फागुन ३ गते, बिहीबार, आम्रपाली ब्याङ्क्वेट, थिरबम सडक, बालुवाटार, काठमाडौँमा हुने जनाएको । सभा बिहान ११ बजे शुरु हुनेछ।
सभाले हाल कायम चुक्ता पूँजीको ५.५० प्रतिशतका दरले बोनस शेयर र सोको कर प्रयोजनार्थ ०.२८ प्रतिशतका दरले नगद लाभांश वितरण गर्ने विशेष प्रस्ताव पारित गर्नेछ। त्यसैगरी, सभाले प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने, लेखापरीक्षक नियुक्त गर्ने, खर्च अनुमोदन गर्ने लगायतका प्रस्तावहरु पनि पारित गर्नेछ।