बाँसबारी जग्गा प्रकरणः विनोद चौधरीलाई सिआइबीले सोधपुछ
मेरो आर्थिक
चैत्र ४ गते २०८०
समयः २:५१ pm
![बाँसबारी जग्गा प्रकरणः विनोद चौधरीलाई सिआइबीले सोधपुछ](https://meroaarthik.com/wp-content/uploads/2024/03/download-15.jpg)
बाँसबारी छाला कारखाना जग्गा हिनामिना प्रकरणमा केन्द्रीय अनुसन्धान ब्यूरो (सिआइबी)ले विनोद चौधरीको बयान लिइरहेको छ ।
अवैध रुपमा सरकारी जग्गा हिनामिना गरेको आरोपमा चौधरीका भाइ अरुणलाई सिआइबीले फागुन १ गते पक्राउ गरेको थियो ।
गृहमन्त्री रवि लामिछानेले आइतबारको बैठकमा गृहसचिव एकनारायण अर्याल र सिआइबीका नवनियुक्त प्रमुख श्यामलाल ज्ञवालीलाई घटनाको थप अनुसन्धान गर्न निर्देशन दिएका हुन् ।
बाँसबारी जग्गा प्रकरणमा सिआइबीले अरुणकुमार चौधरीसहित तीन जनालाई अनुसन्धानका लागि फागुन १ गते पक्राउ गरेको थियो । तर, जिल्ला अदालत काठमाडौंका न्यायाधीश यज्ञप्रसाद आचार्यको इजलासले थप अनुसन्धानका लागि थुनामा राख्न आवश्यक नरहेको फैसला गरेपछि उनीहरुलाई रिहा गरिएको हो ।