Skip to content
logo
असार ५ गते २०८१ समयः

सूर्योदय नगरपालिकामा नयाँ बर्षको अवसर पारेर अन्तु पर्यटन महोत्सव हुने

मेरो आर्थिक
मेरो आर्थिक
चैत्र १९ गते २०८०
सूर्योदय नगरपालिकामा नयाँ बर्षको अवसर पारेर अन्तु पर्यटन महोत्सव हुने

सूर्योदय नगरपालिकामा नयाँ बर्षको अवसर पारेर अन्तु पर्यटन महोत्सव हुने भएको छ । चैत्र २८ गतेबाट बैशाख १ गतेसम्म चल्ने महोत्सवमा सुर्योदय नगरपालिकाले सांस्कृतिक र सांगितिक कार्यक्रम गर्न लागेको हो ।

नगरपालिकाले पत्रकार सम्मेलन गरेर महोत्सवको बारेमा जानकारी गराएको छ । कार्यक्रममा नगरलाई सर्वकालिन पर्यटकीय गन्तव्यको रुपमा विकास गर्न महोत्सवको आयोजना गरिएको जनाइएको थियो । महोत्सवमा चैत्र २८ गते वृहत सरसफाई कार्यक्रम हुनेछ । चैत्र ३० गते सूर्योदय आइडलको प्रस्तुती, विभिन्न खाद्य परिकार र हस्तकलाको स्टल स्थापनाका साथै दिपावली र डिजे सेसन गर्दैछ । त्यसैगरी बैशाख १ गते सूर्योदयको दृश्यावलोकन, शुभकामना आदान प्रदान, विभिन्न सांस्कृतिक झाँकी, सूर्योदय आइडलको बिजेता घोषणा तथा पुरस्कार वितरण र राष्ट्रिय कलाकारहरुको सांगितक प्रस्तुती राखेको छ । आइडलको शिर्ष ८ प्रतिस्पधीहरु तय भएकाले बैशाख ३० मा अन्तिम प्रतिस्पर्धाबाट बिजेता छनौट हुने जनाइएको छ ।

महोत्सवमा याम बराल, भुपेन्द्र राई, पुजन प्रधान, गणेश पराजुली, यशोदा पराजुली, फूटी शेर्पा लगायतले सांगीतिक प्रस्तुति दिने छन् । सोही अवसरमा लागु पदार्थ दुव्र्यसनी, मदिरा तथा सुर्तिजन्य बस्तुहरुको नियमन नियन्त्रण तथा व्यवस्थापन सम्बन्धी सन्देमुलक सचेतना कार्यक्रम समेत राखिएको छ । महोत्सव संचालनका लागि करिब १० लाख रुपैया खर्च हुने अनुमान राखिएको छ ।

Add a new comment