सोमबार सुनको मूल्यमा सामान्य गिरावट भएको छ । सुन तोलामा १०० रूपैयाँले मात्र घटेको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख १२ हजार ४०० रूपैयाँमा र तेजाबी सुन प्रतितोला एक लाख ११ हजार ८५० रूपैयाँमा कारोबार भइरहेको छ ।

आइतबार भने सुनको मूल्य स्थिर रहेको थियो । हिजो सुन प्रतितोला एक लाख १२ हजार ५०० रूपैयाँमा खरिद बिक्री भएको थियो ।

यसैगरी, चाँदीको भाउ सोमबार तोलामा १० रूपैयाँले सस्तिएको छ । आज चाँदी प्रतितोला एक हजार ४४५ रूपैयाँमा किनबेच हुँदैछ । अघिल्लो कारोबार दिन, चाँदीको भाउ स्थिर रहेर प्रतितोला एक हजार ४५५ रूपैयाँ कायम रहेको थियो ।