आईएमई ग्रुपले भूकम्प प्रभावितलाई डेढ करोड सहयोग गर्ने

आईएमई ग्रुपले जाजरकोट र रूकुम पश्चिमका भूकम्प प्रभावितका लागि १ करोड ५० लाख रुपैयाँ बराबर सहयोग रकम प्रदान गर्ने भएको छ ।

ग्रुपले जारी गरेको विज्ञप्ति अनुसार ग्लोबल आईएमई बैंक, आईजीआई प्रुडेन्सियल इन्स्योरेन्स, आईएमई लाइफ इन्स्योरेन्स, आईएमई लिमिटेड लगायत कम्पनीको तर्फबाट उक्त सहयोग रकम प्रदान गरिन लागेको हो ।

जाजरकोट, रुकुम पश्चिम लगायतका जिल्लाका प्रभावित क्षेत्रमा उद्धार तथा राहत वितरण गर्ने उद्देश्यले संस्थागत सामाजिक उत्तरदायित्वअन्तर्गत प्रधानमन्त्री दैवी प्रकोप उद्धार कोषमा उक्त रकम प्रदान गरिने विज्ञप्तिमा उल्लेख छ ।