नेपाल सुनचाँदी व्यवसायी महासंघको अनुसार बुधबार छापावाला सुन प्रतितोला एक लाख १८ हजार ६०० रुपैयाँ र तेजावी सुन प्रतितोला एक लाख १८ हजार ५० रुपैयाँमा खरिदबिक्री भइरहेको छ ।

मंगलबारको तुलनामा बुधबारको बजारमा सुनको मूल्यमा वृद्धि हुँदा चाँदीको मूल्य भने स्थिर देखिएकाे छ । आजको बजारमा सुन प्रतितोला ६०० रुपैयाँले बढेको हो ।

मंगलबार छापावाला सुन प्रतितोला एक लाख १८ हजार रुपैयाँ र तेजाबी सुन प्रतितोला एक लाख १७ हजार ४५० रुपैयाँ कायम भएको थियो ।

निरन्तर रुपमा घटेको चाँदीको मूल्य आज स्थिर भएको छ । आज चाँदीको मूल्य प्रतितोला एक हजार ३७५ रुपैयाँमा खरिदबिक्री भइरहेको छ ।