काठमाडौँ । मध्यपूर्वमा बढ्दो असुरक्षाका कारण अमेरिकाले आफ्ना नागरिकलाई ती क्षेत्र छोड्न आग्रह गरेको छ ।
अमेरिकी विदेश मन्त्रालयले जारी गरेको सूचनामा गम्भीर सुरक्षा जोखिम रहेको भन्दै नागरिकलाई सकेसम्म व्यावसायिक उडानमार्फत तत्काल सुरक्षित स्थानतर्फ जान सल्लाह दिइएको छ ।
सावधानी अपनाउन भनिएका देशहरूमा बहराइन, कुवेत, इजिप्ट, लेबनान, इरान, ओमान, इराक, कतार, इसराइल, वेस्ट बैंक र गाजा, साउदी अरेबिया, सिरिया, जोर्डन, संयुक्त अरब इमिरेट्स तथा यमन रहेका छन् ।
यसैबीच साउदी अरेबियाको राजधानी रियादस्थित अमेरिकी दूतावासमा इरानबाट आएका दुई ड्रोनले आक्रमण गरेको खबर सार्वजनिक भएको छ । घटनामा कुनै मानवीय क्षति नभएको जनाइएको छ। अन्तर्राष्ट्रिय सञ्चारमाध्यमका अनुसार आक्रमण भएको समयमा दूतावास भवन खाली रहेको थियो ।
मध्यपूर्वमा जारी तनावका बीच अमेरिकाले आफ्ना नागरिकको सुरक्षालाई उच्च प्राथमिकता दिएको जनाएको छ।
