नेपाल आयल निगमले पेट्रोल, डिजल र मट्टीतेलको मूल्य समायोजन गर्दै घटाएको छ । शनिबार बसेको निगम सञ्चालक समितिको बैठकले पेट्रोलमा प्रतिलिटर ३ रुपैयाँ र डिजल तथा मट्टीतेलमा प्रतिलिटर एक रुपैयाँ घटाएको जनाएको हो ।

निगम द्वारा सार्वजनिक गरेको नयाँ दर रेट अनुसारको घटेको मूल्य शनिबार राति १२ बजेदेखि लागू हुनेछ । आईतबारबाट तेल भर्दा काठमाडौं, पोखरा र दिपायल वरपर पेट्रोलको मूल्य प्रतिलिटर १६५ कायम भएको छ । त्यस्तै सुर्खेत र दाङ वरपर प्रतिलिटर १६४, चारआली, विराटनगर, जनकपुर, अमलेखगञ्ज, भलबारी, नेपालगञ्ज, धनगढी र वीरगञ्ज वरपर प्रतिलिटर १६२ कायम भएको छ ।
अन्तरराष्ट्रिय बजारमा मुल्य घटेपछि नेपालमा पनि समय–समयमा दररेट परिवर्तन तथा समायोजन गर्ने गरिएको छ । स्वचालित मुल्यमा लैजाने चलन शुशिल कोइराला प्रधानमन्त्री हुँदा निर्णय गराएका थिए ।