इजरायलले हमला भएको गाजा क्षेत्रमा विजुली, पानी, खाद्यान्न र इन्धनको आपूर्ति हाललाई ढुवानी रोक्का गरेको जनाएको छ । गत शनिबार बिहान हमासको आक्रमण सुरु भएपछि इजरायलले गाजामा खाद्यान्न र औषधिसहित सबै इमरजेन्सी वस्तुको ढुवानी रोक्ने निर्णय गरेको जनाएको हो ।

गाजा स्ट्रीपमा २३ लाख मानिसहरू बस्छन् । तीमध्ये ८० प्रतिशत मानिसहरू इजरायलसँग चलिरहेको बषौं सम्म चलेको युद्धका कारण मानवीय सहायतामा निर्भर रहेको बताइन्छ । गाजामा हमासको नियन्त्रण भए पनि यसको एयर स्पेस र समुद्री तटमा इजरायलको कब्जा छ । अब इजरायलको अनुमतिबिना गाजामा कुनै पनि सामान आपूर्ति हुन नसक्ने बताइएको बिबिसीले जनाएको छ ।