सूर्योदय नगरपालिकामा १ अर्ब ४१ करोड ६७ लाख २७ हजार ५ सयको बजेट स्वीकृत

सूर्योदय नगरपालिकाको नगर सभाको पन्ध्रौं अधिवेशनको पाँचौ बैठक सम्पन्न भएको छ । गत असार ११ गते बसेको बैठकले बजेट प्रस्तुत गरेको थियो ।
नगर प्रमुख रण बहादुर राईको अध्यक्षतामा बसेको उक्त बैठकले १ अर्ब ४१ करोड ६७ लाख २७ हजार ५ सयको आगामी आ.व. २०८१/०८२ को बजेट स्वीकृत गर्नुका साथै बिभिन्न बिद्येयकहरू तथा प्रस्तावहरू स्वीकृत गर्दै आगामी असार २६ गते पुनः बैठक बस्ने गरी सभा बिसर्जन भएको नगरप्रमुखको कार्यालयले जनाएको छ ।