देशभर सेवा दिँदै आएको कामना सेवा विकास बैंकले विद्यालयलाई डस्टबिन उपलब्ध गराएको छ । बैंकले संस्थागत सामाजिक उत्तरदायित्व अन्तर्गत रूपन्देहीको सिद्धार्थनगर–९ स्थित बृहस्पति माध्यमिक विद्यालयलाई डस्टबिन हस्तान्तरण गरेको हो ।

एक समारोहमा बैंकका शाखा प्रमुख रोशनी घिमिरेले विद्यालयका प्रधानाध्यापक युवराज उपाध्यायलाई उक्त डस्टबिन हस्तान्तरण गर्नुभएको थियो । उक्त कार्यक्रममा बैंकका कर्मचारी साथै विद्यालयका शिक्षक,विद्यार्थीहरुको उपस्थिति रहेको थियो ।

उक्त कार्यक्रमसँगै आगामी दिनमा समेत बिभिन्न सरोकारवालासँगको समन्वय र सहकार्यमा यस्ता प्रकारका सामाजिक कार्यलाई निरन्तरता दिने जानकारी बैंकले दिएको छ ।