सिटिजन्स बैंकको साधारण सभा असोज २६ गते, शुक्रबारको लागि आह्वान

सिटिजन्स बैंक इन्टरनेशनल लिमिटेडले शेयरधनीहरुलाई वितरण गर्ने गत आर्थिक वर्षको मुनाफाबाट लाभांश पारित गर्न साधारण सभा बोलाएको छ । बैंकको सत्रौं वार्षिक साधारण सभा असोज २६ गते, शुक्रबार अमृतभोग, कालिकास्थान, डिल्लीबजार, काठमाडौंमा बिहान ११ बजे शुरु हुने गरि बोलाएको हो ।

सभाले चुक्ता पूँजीको ५.७९ प्रतिशतका दरले नगद लाभांश वितरण गर्ने प्रस्ताव पारित गर्दै अन्य बैंक तथा वित्तीय संस्थासँग मर्जर अथवा एक्विजिशन गर्न तथा वैदेशिक रणनीतिक साझेदारीमा जान उपयुक्त देखिएमा सो सम्बन्धि सम्पूर्ण कार्य गर्न सञ्चालक समितिलाई अख्तियारी दिने, संस्थापक शेयरधनीको तर्फबाट ३ जना सञ्चालक र सर्वसाधारण शेयरधनीहरुको तर्फबाट १ जना सञ्चालकको निर्वाचन गर्ने, लेखापरीक्षक नियुक्त गर्ने लगायतका प्रस्तावहरु पनि पारित गर्नेछ ।

असोज १४ गतेसम्म नेप्सेमा कारोबार भइ कायम शेयरधनीहरुले बैंकको साधारण सभामा सहभागिता जनाउन तथा बैंकले वितरण गर्ने लाभांश प्राप्त गर्न सक्ने छन् । असोज १५ गते एक दिनका लागि बुकक्लोज गर्ने भएको छ ।