यस आर्थिक वर्षमा हाल सम्म २० वटा वाणिज्य बैंक मध्ये १२ वटाले शेयरधनीहरुलाई लाभांश वितरण गरिसकेकोछ भने अहिलेसम्म लाभांश वितरण गर्न नसक्ने बैंकको संख्या ७ पुगेको छ । कृषि विकास बैङ्कले भने हाल सम्म लाभांश घोषणा गरेकाे छैन । उक्त बैंकले लाभांश वितरण हो कि होइनन्, त्यो भने अझै अनिश्चित छ ।

कृषि विकास बैंकका शेयरधनीहरु लाभांश पाउने अपेक्षा गरिरहेका छन् । तर, उक्त बैंकले शेयरधनीलाई लाभांश वितरण गर्नेमा शंका व्यक्त गरिदै आएको छ । सरकारी पूर्ण स्वामित्वको राष्ट्रिय वाणिज्यले समेत ५.५० प्रतिशत नगद लाभांश घोषणा गरेको छ । राष्ट्रिय वाणिज्य बैंक नेप्सेमा सूचीकृत बैंक भने होइन् ।

नेप्सेमा सूचीकृत १९ वटा वाणिज्य बैंकमध्ये अझै एउटाले आर्थिक वर्ष २०७९-८० का लागि लाभांश घोषणा गर्न बाँकी छ । अहिलेसम्म ११ वटाले वितरण गरिसकेका छन् भने ७ वटाले लाभांश वितरण नगर्ने निर्णय गरेका छन् ।

वाणिज्य बैंकमध्ये एनआइसी एसिया, माछापुच्छ्रे, एभरेष्ट, सानिमा, लक्ष्मी सनराइज, नेपाल एसबीआई, ग्लोबल आइएमई, नबिल, स्ट्यान्डर्ड चार्टर्ड, सिद्धार्थ र सिटिजन्स बैंकले लाभांश दिएका छन् भने लाभांश नबाँड्ने निर्णय गर्ने वाणिज्य बैंकहरुमा प्राइम, हिमालयन, एनएमबी, कुमारी, नेपाल बैंक, प्रभु बैंक र नेपाल इन्भेष्टमेन्ट मेगा बैंक रहेका छन् ।

सबैभन्दा बढी एनआइसी एसिया बैंकले २९ प्रतिशत बोनस शेयर र कर प्रयोजनका लागि १.५२ प्रतिशत नगद लाभांश वितरण गरेको छ । सबैभन्दा कम लाभांश सिद्धार्थ बैंकको छ । यो बैंकले ४.२१ प्रतिशत नगद लाभांश मात्रै दिएकोछ ।