मोरङको पथरी शनिश्चरेमा बालिकाको हत्या गरेको आरोपमा प्रहरीले एक जनालाई पक्राउ गरेको छ ।

हत्यामा संलग्न रहेको आशंकामा मोरङको ग्रामथान गाउँपालिका–४ का ३८ वर्षीय धीरेन चौधरीलाई पक्राउ गरिएको जिल्ला प्रहरी कार्यालय मोरङले जनाएको छ ।

प्रहरीका अनुसार बालिकाको हत्यापछि फरार रहेका उनी बेलबारीस्थित भौनेको जंगलबाट पक्राउ परेका थिए । खोटाङको ऐसेलुखर्क गाउँपालिका–६ निवासी १५ वर्षीया ज्ञानमती थुलुङ राईको सोमबार राति विभत्स हत्या भएको थियो ।

उनी दुई वर्षदेखि पथरी शनिश्चरे नगरपालिका–७ लामा टोलीमा मामाका छोरा विनोद राईको घरमा बस्दै आएकी थिइन् । राति १०ः३० बजे घरको कम्पाउण्डमा शौचालय जाने क्रममा उनको हत्या भएको थियो ।