काठमाडौं । नेकपा (एकिकृत समाजवादी) निकट विद्यार्थी संगठन अनेरास्ववियूको अध्यक्षमा आरति लामा चयन भएकी छिन् । अनेरास्ववियूका निवर्तमान अध्यक्ष सुदेश पराजुली, सह अध्यक्ष वसिम आलम, उपाध्यक्ष यशु लामा लगायतले भने विद्यार्थी संगठनबाट बिदा भएर पार्टी राजनीति रोजे सँगै लामा निर्वाचित भएकी हुन् ।
पाटी संगठनको स्थायी कमिटीको तेश्रो बैठकले लामालाई सम्मेलन आयोजक कमिटीको संयोजक बनाएको हो । उनी यस अघि अनेरास्ववियूको महासचिव थिइन ।
हालको महासचिवमा महेश श्रेष्ठ चयन भएका छन् । श्रेष्ठ यसअघिको कार्यकालमा उप महासचिव थिए । नयाँ समितिले आगामी मंसिर भित्र सम्मेलन गर्ने म्याण्डेड दिईएको बताइएको छ ।
