घलेम्दी हाइड्रोपावरको ३२ लाख १७ हजार ७२४ कित्ता साधारण सेयर मंगलबारदेखि इच्छुक सर्वसाधारणले सेयर खरिदका लागि गोप्य शिलबन्दी बोलपत्र आवेदन दिने गरी लिलामी बिक्रीमा आएको छ ।
बिक्री प्रवन्धक मुक्तिनाथ क्यापिटलका अनुसार यस अघि १ बराबर २ अनुपातमा जारी भएको हकप्रद सेयर निष्कासन गरिएको थियो तर त्यस बेला सम्पूर्ण कित्ताका लागि आवेदन नपरेपछि लिलामी बिक्री खुलाइएको हाे ।
क्यापिटलका अनुसार द्बितिय बजारमा प्रतिकित्ता १८९ रुपैयाँ रहेको शेयर लिलामीमा प्रतिकित्ता न्यूनतम १ सय रुपैयाँ तोकेर माघ २३ गतेसम्म गोप्य शिलबन्दी आवेदन दिन सकिनेछ । क्यापिटलको कार्यालय नक्साल तथा मुक्तिनाथ विकास बैंकका शाखा कार्यालयहरु ठिमी, कुमारीपाटी, विर्तामोड, विराटनगर, वीरगन्ज, जनकपुर, हेटौंडा, नारायणगढ, पोखरा, बागलुङ, बेनी, बुटवल, घोराही, नेपालगन्ज, सुर्खेत, धनगढी र महेन्द्रनगरबाट आवेदन दिन सकिने कम्पनीले जनाएको छ ।
