कपिलवस्तुबाट काठमाडौं आउँदै गरेको बस धादिङ गजुरीस्थित गलौदीमा दुर्घटना हुँदा ६ जनाको मृत्यु भएको छ ।

सिद्धार्थ यातायातको लु२ख २१२१ नम्बरको बस बिहान ४:४१ बजे सडकबाट करिब १०० मिटर तल त्रिशूलीमा गजुरीका प्रहरी नायव उपरीक्षक (डीएसपी) मदन कुँवरले जानकारी दिए ।

बसमा कति जना यात्रु सवार थिए भन्ने खुलिसकेको छैन । दुर्घटनास्थलबाट ३८ जनाको उद्धार गरिएको जिल्ला प्रहरी कार्यालय धादिङका प्रवक्ता डीएसपी सन्तु जैसवालले जानकारी दिए ।

उद्धार कार्य जारी रहेको साथै उद्धार गरिएकाहरूलाई नजिकैका स्वास्थ्य संस्थामा उपचारका लागि पठाइएको छ ।

दुर्घटनास्थलमा सशस्त्र प्रहरीको गोताखोर टोलीले उद्धारका गरिरहेको छ भने प्रहरीले बसका चालकलाई नियन्त्रणमा लिएको छ ।

थप विवरण आउन बाँकी रहेको प्रहरीले जनाएको छ ।