सूर्योदय नगरपालिकामा निःशुल्क स्वास्थ्य शिविर सञ्चालन भएको छ । सूर्योदय नगरपालिका,महिला,बालबालिका तथा समाज कल्याण शाखाले निशुल्क स्वास्थ्य शिविरको आयोजना गरेको हो ।

शुक्रबार सम्पन्न शिविरमा पुरुष २५ र महिला ९८ जनाले सेवा लिएका थिए । शिविरमा स्त्रीरोग विशेषज्ञ र फिजिसियन डाक्टरहरुबाट सेवा उपलब्ध गराईएको थियो।

नगर प्रमुखको सचिवालयका अनुसार उक्त शिविरमा सूर्योदयका वडा नं ६, ७, ८ ,९ र १० नं का बिरामीहरुले निःशुल्क सेवा लिएका थिए । कार्यक्रममा नगर प्रमुख रण बहादुर राई, वडाध्यक्षहरु, वडाका प्रतिनिधिहरु, कर्मचारीहरु आदिको उपस्थिति रहेको थियो ।
शिविरका केही तस्वीरहरुः

तस्वीर: नगर प्रमुखको सचिवालय, सूर्योदय नगरपालिका