एयर डाइनेष्टी हेलिकप्टर दुर्घटना छानविन गर्न सरकारले आयोग गठन गरेको छ । एयर डाइनेष्टीको जहाज दुर्घटना नुवाकोटको शिवपुरी गाउँपालिका सूर्यचौरमा भएको थियो । उनले हेलिकप्टर दुर्घटनाबारे छानबिन गरी प्रतिवेदन पेस गर्न आयोगलाई ३० दिनको समय दिइएको बताए ।

बुधबार अपराह्न बसेको मन्त्रिपरिषद्को आकस्मिक बैठकले एयर डाइनेष्टी हेलिकप्टर दुर्घटनाबारे छानविन गर्न आयोग गठन गर्ने निर्णय गरेको सरकारका प्रवक्ता पृथ्वीसुब्बा गुरूङले जानकारी दिएका हुन् ।

नेपाली सेनाका वरिष्ठ पाइलट सुवास थापाको संयोजकत्वमा छानबिन आयोग गठन गरिएको बताए । उनले आयोगको सदस्यहरूमा विष्णु बस्नेत र तनुजा पोखरेल रहेको उल्लेख गरे । उनले बुधबार दिउँसो काठमाडौंबाट रसुवाको स्याफ्रुबेंसीका उडेको एयर डाइनेष्टीको नाइन एन–एजेडी कलसाइन भएको हेलिकप्टर दुर्घटना हुँदा एक जना नेपाली र चार जना चिनियाँ नागरिकको मृत्यु भएको जानकारी दिए ।

उनले भने, ‘नुवाकोट जिल्लाको शिवपुरी गाउँपालिका सूर्यचौरमा एयर डाइनेष्टी—नाइन एन एडीडी कनसाइन हेलिकप्टर दुर्घटना भएको छ । सो दुर्घटनामा चालक सहित चार जना यात्रुको मुत्यु भएको छ । हेलिकप्टर दुर्घटनामा सबै चिनियाँ नागरिक रहेका छन् । यो घटनाको छानविन गरी प्रतिवेदन पेश गर्न छानबिन गर्न आयोग गठन गर्ने निर्णय गरेको छ । नेपाली सेनाका वरिष्ठ पाइलट सुवास थापाको संयोजकत्वमा सदस्यहरूमा विष्णु बस्नेत र तनुजा पोखरेल छन् । गठन भएको ३० दिन समय अवधि हुनेछ ।’