बाढीपहिरोमा परी ३३ बेपत्ता तथा मृत्यु हुनेको संख्या २०४ पुग्यो, तीन दिन राष्ट्रिय शोक घोषणा

अविरल वर्षापछि आएको बाढी र पहिरोमा परी मृत्यु हुनेको सङ्ख्या दिन प्रतिदिन बढिरहेको छ । सोमबार दिउँसोसम्म दुई सय चार जना पुगेको सशस्त्र प्रहरीले जनाएको छ । बाढी पहिरोमा परी वेपत्ता हुनेको संख्या भने ३३ रहेको प्रहरीले जानकारी दिएको छ ।

त्यसैगरी ८९ जना घाइते र तीन हजार ४०१ जनाको सकुशल उद्धार गरिएको छ । यसैबीच सरकारले बाढी, पहिरो र डुवानका कारण भएको धनजनको क्षतिप्रति दु:ख व्यक्त गर्दै तीन दिन राष्ट्रिय शोक घोषणा गरेको छ ।

अमेरिका भ्रमणबाट फर्किए लगत्तै प्रधानमन्त्री केपी शर्मा ओलीको सरकारी निवास बालुवाटारमा बसेको  बसेको मन्त्रिपरिषद बैठकले मंगलबारदेखि ३ दिन राष्ट्रिय शोक घोषणा गर्ने निर्णय गरेको हो । राष्ट्रिय शोकको समयमा सरकारी कार्यालयहरुको झण्डा आधा झुकाइनेछ ।