बिनाशकारी भूकम्पमा परी हालसम्म १५७ जनाको मृत्यु, २५३ जना घाइते

जाजरकोट केन्द्रविन्दु भएको बिनाशकारी भूकम्पमा परी घाइते हुनेहरूको सङ्ख्या बढेर २ सय ५३ पुगेको छ । घाइतेहरूमध्ये जाजरकोटका १ सय १२ जना, रुकुम पश्चिमका १३२ जना, जुम्लाका ५ जना तथा दैलेख र सल्यानका दुई–दुई जना रहेको जनाइएको छ । हाल उनीहरुको उपचार भइरहेको छ । सामान्य घाइतेकालागि प्राथमिक उपचार समेत गरिएको छ ।

बिनाशकारी भूकम्पमा परी मृत्यु हुनेको संख्या उच्च रहेको छ । हालसम्मको बिवरण अनुसार जम्मा १ सय ५७ जनाको भुकम्पमा परी मृत्यु भइसकेको छ जस मध्ये जाजरकोटका १०५ तथा रुकुम पश्चिमका ५२ जना रहेको थ्यहाँका प्रमुख जिल्ला अधिकारीहरुले जनाएका छन् । यो संख्या अझ बढ्न सक्ने आँकलन गरिएको छ । उद्धारकार्य जारी रहेको पनि अधिकारीहरुले जनाएका छन् ।