इलाम जिल्लाको सन्दकपुर गाउँपालिका–५, हाँगेथामस्थित धप्परमा जंगली कुकुर (कन अल्पिनस) फेला परेको छ । तराईमा मात्र पाइने दाबी गरिएको ‘ढोले’ भनिने यो निकै महत्वपूर्ण जनावर जंगली कुकुर दुई हजार छ सय ५० मिटर उचाईमा फेला परेको हो ।

वाइल्डलाइफ फोटोग्राफर देबेन खरेल बिहानको समयमा छाउरी जंगली कुकुरको तस्बिर खिच्न सफल भएका हुन् । खरेलले यो जनावर अढाई हजार मिटरभन्दा माथिको उचाईमा भेटिनु निकै महत्वपूर्ण उपलब्धि भएको जानकारी गराएका छन् ।

उचाईमा जंगली कुकुर फेला पर्नु र तस्बिरसमेत खिच्न पाउनुले जैविक विविधताको महत्व बढाएको दावी छ । हाँगेथाम क्षेत्र चरा र दुर्लभ जनावरका लागि निकै संवेदनशील ठाउँ हो, । यहाँ जंगली कुकुर भेटिनु दुर्लभ मानिएको छ ।