साँगामा सात वटा सवारीसाधन एकआपसमा ठाेक्किएर दुर्घटनामा
मेरो आर्थिक
•
जेठ १७ गते २०८१
काभ्रे । साँगामा सात वटा सवारीसाधन एकआपसमा ठाेक्किएर दुर्घटना भएको छ । बुधबार बेलुकी साँगाबाट बनेपा गइरहेका सवारी ठोक्किएका हुन् । दुर्घटनामा परी २ जना घाइते भएका छन् ।
दुर्घटनामा परि मोटरसाइकल र स्कुटर चालक घाइते भएका हुन् । घाइते हुनेमा बा ६३ प ७ नम्बरको मोटरसाइकल चालक र बा प्र- ०२-०४४ प ०५७३ नम्बरको स्कुटर चालक रहेका छन् । उनीहरू पनौती-२ बस्ने ४८ वर्षीय प्रकाश सापकोटा र बनेपा-५ की १८ वर्षीया देविना कर्मचार्य हुन्। हाल घाइतेको उद्धार गरेर उपचारका लागि बनेपास्थित शिर मेमोरियल अस्पताल पठाइएको छ ।
साँगाको पुतली घर रिसोर्टको छेवैमा उक्त दुर्घटना भएको हो । राेकिएकाे एक ट्याङ्करमा गएर अन्य सवारी ठाेक्किदा दुर्घटना भएकाे थियाे। पहिले, तिव्र गतिमा बनेपा गइरहेको मालवाहक ट्रकले कारलाई ठक्कर दिएकाे थियाे । त्यसपछि सोही गतिमा गइरहेका सवारी एकआपसमा ठाक्किएका हुन् ।
यसैगरी, अन्य सवारीले ठक्कर दिएर मोटरसाइकल र स्कुटर रोकिएकाे ट्याङ्करमा गएर ठोक्किएका हुन्। एक मोटरसाइकल, एक स्कुटर, २ कार, १ बोलेरो गाडी र एक मालवाहक ट्रक दुर्घटना भएका हुन् ।
