कालीमुलको जङ्गलमा भेटिएको कङ्काल प्रहरीले परीक्षण गर्ने

म्याग्दीको बेनी नगरपालिका–९ स्थित आङ्खखेत कालीमुलको जङ्गलमा भेटिएको कङ्काल परीक्षणको लागी प्रहरीको विधि विज्ञान प्रयोगशालामा पठाउन लागिएको म्याग्दीका डीएसपी भरत श्रेष्ठले बताए । उनले भने–‘डीएनए परीक्षण गर्न काठमाडौँ स्थित केन्द्रीय विधि विज्ञान प्रयोगशालामा पठाउँछौँ ।’

साउन २८ मा कालीमुलको जङ्गलमा गाडेको अवस्थामा कङ्काल भेटिएको थियो । २०८० पुस १६ मा बेपत्ता भएकी बेनी नगरपालिका–घतानकी १९ वर्षीय मिना परियारका आफन्तले सो कङ्काल उनको भएका दाबी गरेका छन् । तर, परीक्षण पछि मात्रै त्यसबारे यकिन गर्न सकिने डीएसपी श्रेष्ठले बताए ।