पहिरोमा पुरिएको दुईवटा बसबाट १४ जनाको शव निकालियो, थप खोजी जारी

काठमाडौंको नागढुंगादेखि मुनि झ्याप्लेखोलामा पहिरोमा परेकाको खोजी तथा उद्धार कार्य र्भरहेको छ । सोही क्रममा पहिरोमा पुरिएको दुईवटा बसबाट १४ जनाको शव निकालिएको छ ।

शनिबार बिहान पहिरो जाँदा काठमाडौंको सिमाना नजिकको काठमाडौं देखि नारायणगढ सडक खण्डको धादिङ जिल्लाको झ्याप्ले खोलामा माइक्रोबसहरु पुरिएका थिए । त्यस क्रममा लु १ ज ४५७८ नम्बरको माइक्रोबसबाट ५ वटा शव निकालिएको र नम्बर नखुलेको अर्को बसबाट ९ जनाको शव निकालिएको जिल्ला प्रहरी परिसर काठमाडौंका प्रवक्ता एसपी नवराज अधिकारीले मेरो आर्थिकलाई जानकारी दिए ।
उनका अनुसार बसहरु शनिबार साँझ एक्साभेटरको सहायताले निकालिएको थियो । पहिरोमा थप सवारीका साधनहरु पनि पनि पुरिएको आशंकामा प्रहरीले खोजी गरिरहेको उहाँले बताउनु भयो।