नेकपा एमाले बागमती प्रदेश अध्यक्ष पदमा कैलाश ढुंगेल विजयी भएका छन् । शुक्रबार भएको निर्वाचनमा ढुङ्गेल ६९६ मत पाएर विजयी हुँदा दाहालले ४३९ मत पाएका हुन् ।
नेकपा एमालेको बागमती प्रदेश अधिवेशनमा सहमतिमा नेतृत्व चयन गर्ने प्रयास असफल भएपछि विद्युतीय मेसिनमार्फत् पार्टी कार्यालय च्यासलमा आज मतदान भएको थियो । जसमा कृष्णप्रसाद दाहाललाई २५७ मतले पछि पार्दै ढुंगेल अध्यक्ष पदमा विजयी भएका छन् ।
उपाध्यक्ष पदमा दावा दोर्जे लामा, सचिवमा नवराज सिलवाल, खुला उपसचिवमा प्रेम कुमार महर्जन र महिला उपसचिवमा भक्त कुमारी लामा विजयी भएका छन् । मतदानमा ११३५ मत खसेको थियो ।
