आज बुधबार नेप्से परिसूचक ४.९३ प्रतिशतले बढेर बन्द भएको छ । ९२ अंकले बढेसँगै नेप्से परिसूचक १९ सय ६३ अंकमा पुगेको छ भने आज कारोबार रकम पनि बढेको छ ।

६१ लाख ७ हजार कित्ता सेयर किनबेच हुँदा १ हजार ९७ करोड ६० लाख रुपैयाँको कारोबार भएको छ ।

आज सबै कम्पनीको सेयर बढेको छ । कारोबार भएमध्ये २१८ वटै कम्पनीको सेयर मूल्य बढेको हो । आज ५ वटा कम्पनीको मूल्यमा १० प्रतिशतको वृद्धि आएको छ । यसबाहेक, ११ वटा कम्पनीको सेयर मूल्य ९ प्रतिशतभन्दा धेरैले बढेको छ । १३ वटा समूहमध्ये १३ वटै समूहमा सुधार आएको हो । आज सबैभन्दा धेरै जीवन बीमा समूहमा ४४३ अंकको सुधार देखिएको छ ।