नेप्से परिसूचकमा गिरावट

साताको दोस्रो कारोबार दिन नेप्से परिसूचक घटेर बन्द भएको छ। पछिल्लो दुई कारोबार दिनदेखि ओरालो लागिरहेको नेप्सेले यस दिन पनि सोही गतिलाई निरन्तरता दिएको हो।

सोमबार नेप्से परिसूचक २३.६४ अंक घटेर १९०८.०४ विन्दुमा झरेको छ। त्यसैगरी, यस दिन सेन्सेटिभ इण्डेक्स ४.७८ अंक घटेको छ भने फ्लोट इण्डेक्स १.७९ अंक र सेन्सेटिभ फ्लोट इण्डेक्स १.७० अंक घटेको छ।

नेप्से घटेसँगै यस दिन कारोबार रकम पनि घटेको छ। अघिल्लो कारोबार दिन ९७ करोड ४५ लाख रुपैयाँ बराबरको शेयर खरिदबिक्री भएको बजारमा यस दिन २६७ स्टकको २७ हजार ३७४ पटकको कारोबारमा ९१ करोड ८२ लाख १९ हजार रुपैयाँ बराबरको ३१ लाख ३९ हजार कित्ता शेयर खरिदबिक्री भएको छ।