नेपालले विश्वकपको तेस्रो खेलमा आज नामिबियाको सामना गर्दै
मेरो आर्थिक
फागुन ९ गते २०८०
समयः ८:४२ am
![नेपालले विश्वकपको तेस्रो खेलमा आज नामिबियाको सामना गर्दै](https://meroaarthik.com/wp-content/uploads/2024/02/Nepal-A-Celebration-1024x624-1.jpg)
नेपालले आईसीसी विश्वकप लिग–२ अन्तर्गत आफ्नो तेस्रो खेलमा आज नामिबियासँग खेल्दैछ । खेल बिहान ९ : ३० बजे टीयु क्रिकेट मैदानमा कीर्तिपुरमा सुरु हुनेछ ।
नामिबियाले पहिलो खेलमा नेपाललाई ४ विकेटले हराएको थियो । उक्त खेलमा टस हारेर पहिला ब्याटिङ गरेकाे नेपाल १३२ रनमै अल आउट भएको थियो । नेपालका भीम सार्कीले ४४ रन बनाउन बाहेक अन्य कुनै पनि ब्याटरले राम्रो प्रदर्शन गर्न सकेका थिएनन् । नेपालले बलिङमा कडा प्रतिस्पर्धा गर्दै ३३.१ ओभरमा खेल पुर्याउँदै ६ विकेट लिएको थियो ।
दोस्रो खेलमा नेपालले विश्वकपमा दक्षिण अफ्रिका र बंगलादेशलाई हराएको नेदरल्यान्ड्सलाई ९ विकेटले पराजित गरेको थियो ।
नेपाल रोहित पौडेल र नामिबिया जेराल्ड इरास्मसको कप्तानीमा मैदान उत्रदैछन् ।