राष्ट्रिय स्वतन्त्र पार्टीले सत्तामा रहेका दलहरुको सर्वदलीय निर्णय भयो भने सहकारी प्रकरणमा उपप्रधान एवं गृहमन्त्रीमाथि छानबिन गर्न आफूहरु सहमत हुने बताएको छ।

मंगलवार बसेको पार्टीको संसदीय दलको बैठकले सबै राजनीतिक दलहरुले स्वीकार गर्ने र सत्तामा रहेका दलहरुको सर्वदलीय निर्णय भयो भने सहकारी प्रकरणमा उपप्रधान एवं गृहमन्त्रीमाथि छानबिन गर्न समिति बनाउने निस्कर्षमा पुगेको पार्टी सह प्रवक्ता मनिष झाले बताए।

बैठकमा आगामी बजेट अधिवेशनमा बजेटबारे कसरी प्रस्तुत हुने भन्नेबारेमा छलफल भएको भन्दै उनले आगमी बजेटको बारेमा नीति तथा कार्यक्रम र आफ्नो दलको तर्फबाट सरकारमा पाएको मन्त्रालयको बारेमा कठोर रुपमा प्रस्तुत हुने बारेमा छलफल भएको जानकारी दिए।