भिजिट भिसा छानबिन गर्ने समिति रास्वपाले किन अस्वीकार गर्यो
रास्वपाले किन अस्वीकार गर्यो सरकारले बनाएको भिजिट भिसा छानबिन गर्ने समिति
मेरो आर्थिक
•
असार १० गते २०८२
काठमाडौँ । राष्ट्रिय स्वतन्त्र पार्टी (रास्वपा) ले सरकारले गठन गरेको भिजिट भिसा प्रकरण बारेको उच्चस्तरीय छानबिन समिति नमान्ने बताएको छ ।
प्रतिनिधि सभाको बैठकमा बोल्दै रास्वपा उपसभापति डा. स्वर्णिम वाग्लेले शंकर दास बैरागी नेतृत्वको छानबिन समितिले समस्याको समाधान नगर्ने भन्दै संसदीय छानबिन समिति गठन हुनुपर्ने माग गरेका छन् ।
डा. वाग्लेले बैरागी स्वयं सक्षम निकायको रडारमा भएकोले उनले कस्तो छानबिन गर्छन् भन्दै प्रश्न गरेका छन् । उनले गृहमन्त्रीको प्रस्तावमा छानबिन समिति बनेको भन्दै आरोपीले नै आफ्नो अनुसन्धान अधिकृत छान्ने हो भन्दै प्रश्न गरे । उनले वैरागी पछिल्लो १० बर्षमा सत्ताको प्रिय पात्र रहेको समेत बताए ।
यो समस्या लुटको कुरा, संगठित समस्या भएको बताउदै यस्तो समितिले यो विषयको छानबिन गर्न नसक्ने बताए । उनले रास्वपाले यो विषय छानबिन गर्न संसदीय छानबिन समिति या बहालवाला वा पुर्व न्यायाधीशको संयोजकत्वमा छानबिन समिति गठन हुनुपर्ने बताए ।
