काठमाडौँ । आज राष्ट्रिय सभाको बैठक बस्दैछ ।
संघीय संसद सचिवालयका अनुसार राष्ट्रिय सभाको आजको बैठक दिउसो सवा १ बजे बस्ने कार्यसूची रहेको छ ।
आजको बैठकमा सामान्य प्रशासन मन्त्री राजकुमार गुप्ताले प्रतिनिधि सभाबाट संदेशसहित प्राप्त संघीय निजामती विधेयक, २०८० माथि बिचार गरियोस् भन्ने प्रस्ताव पेश गर्ने कार्यसूची रहेको छ ।
त्यस्तै आज उर्जामन्त्री दिपक खड्काले प्रतिनिधि सभाबाट संदेशसहित प्राप्त जलस्रोत विधेयक २०८१ लाई दफावार छलफलका लागि विधायन व्यवस्थापन समितिमा पठाइयोस भन्ने प्रस्ताव पेस गर्ने कार्यसूची रहेको छ ।
